Sunday, December 12, 2010

ഒരു ഗാനം

മിഴിപാതി തുറന്നെത്തും കുളിര്‍ നിലാവേ 
കണ്‍കോണിലെന്തിത്ര നാണം?
പ്രണയ വിവശയാം നിന്‍റെ ചാരെ 
വരണുണ്ടോ അക്കരെ പോയ മാരന്‍ ?  


പയോധിയിലൊരോടം കണ്ടോ 
പഴം പാട്ടിന്‍റെയൊരീണം കേട്ടോ?
ശ്രുതിമീട്ടുന്നിതാ തെങ്ങോല, നിന്‍-
ഹൃദയമിടിപ്പിന്‍ സ്വനം കേള്‍ക്കയാലോ?
                          (മിഴിപാതി)
വികാരവതിയാം നിന്‍ വദനം കാണ്മാന്‍ 
വിരുന്നുകാരന്‍ കൊതി പൂണ്ടു നില്‍ക്കെ 
കിളിവാതില്‍ ചാരി നീ മറഞ്ഞുനിന്നാല്‍ 
കളിവാക്കു കേള്‍ക്കേണ്ടിവരികയില്ലേ?
                          (മിഴിപാതി)
മറനീക്കി വാതില്‍ പഴുതിലൂടെ 
ചെറുപുഞ്ചിരിചാലിച്ചൊരു ദൃശ്യമേകാന്‍
മടിവേണ്ടിനിയോമലേ കണ്കുളിര്‍ക്കെ 
കണികാണ്മാന്‍ തിരുമുറ്റത്തെത്തി സൂര്യന്‍ 
                          (മിഴിപാതി) 

2 comments:

  1. കൊള്ളാം ..നന്നായിട്ടുണ്ട്

    ReplyDelete
  2. നന്നായിരിക്കുന്നു

    ReplyDelete